מגילות שפירא, הכוללות נוסח קדום של ספר דברים, נתגלו על ידי בדואים במערה באזור נחל ארנון, ממזרח לים המלח ונמכרו לסוחר העתיקות משה שפירא. הטקסט של המגילות שלמרבה הצער אבדו לפני יותר ממאה שנה, אחרי שנקבעו כזיוף, שוחזר לאחרונה על ידי פרופסור עידן דרשוביץ על סמך העתקות שנעשו בסמוך לגילוי. פרופסור דרשוביץ הביא גם שלל ראיות לכך שאין מדובר בזיוף. המגילות נכתבו בכתב דעץ דהיינו כתב עברי קדמון שבו הפסיקו רוב היהודים להשתמש בתקופה הבבלית והפרסית, ללא רווחים בין מלים, וסופי שורה באמצע מילים. הנקודות מציינות סופי משפט; עיגולים, אותיות לא ברורות; סוגריים מרובעים, השלמה משוערת. עשרת הדיברות באותיות גדולות במקור. ניתן למצוא את ספרו החשוב של פרופסור דרשוביץ ברשת, למרבה הצער רק באנגלית, בינתיים. (The valediction of Moses)
אלה הדב]רם אשר דבר משה על פי יהוה אל כל בני [י]שראל במ[דב]ר בעבר הירדן [בע]רבה.
אלהם אלהנו דבר אל[נו] בחרב לאמר · רב לכם שבת בהר הזה פנו וסעו [לכ]ם ובאו הר האמרי ואל כל שכנו בערבה בהר וב[שפ]לה ובחף הים.
ונסע מחרב ונלך א[ת כ]ל המדבר ה֯[גד]ל והנרא הזה אשר ראתם ונבא [עד] קדש [ברנע
ו]אמר אלכם באתם היום עד הר האמ[רי] ע[לו ור]שו את הארץ כאשר דבר אלה֯ם֯ [אלהי אבתכם לכם.
ולא] א֯ב֯ת֯ם֯ לעלת ותרגנו ות֯א֯מ֯רו בש[נאת אלהם אתנו נתן אתנו ביד האמרי] לאבדנו.
וי[חר] אף אלהם וי[שבע] לאמר חי [אני] כי כל העם הראם את אתתי ואת מפתי אשר עשתי זה עשר פעמם ולא ה֯א֯מ֯נ֯ו֯ ולא שמעו בקלי אם יראו את הארץ הטב[ה א]שר נשבעתי לתת לאבתהם בלתי [עבדי כלב] בן יפנה ויהשע בן נן העמד לפנך המה י֯ב֯א֯ו֯ שמה ולהם אתננה ·
ואתם פנו [ל]כם וסעו המ[דברה] דרך ים סף עד תם כל הדר א[נ]שי המרבה מק[ר]ב המחנה ו[נסע מ]קדש ברנע עד תמו אנשי המרבה למת מקרב המחנה [· ונפן ונסע קדשה ·
ויאמר אלהם אלי] אתם עברם היום את גבל בני עשו הישבם [בש]עיר לא תצרם ולא תתגר בם מלחמה כי לא אתן מארצם לכם ירשה ·
כי לבני עשו נתתה ירשה ה֯ח֯ר֯ם֯ מעלם ישבה בה ובני עשו ירשם וישבו תחתם ·
ונפן ונעבר את מדבר מאב ·
ויאמר אלהם אלי אתם עברם היום את גבל מאב לא תצרם ולא תתגר בם מלחמה כי לא אתן מארצם לכם ירשה כי לבני לט נתתי ער ירשה ·
רפאם מעלם ישבו בה והמאבם יקראו להם אמם וישמדם אלהם וישבו תחתם ·
ונפן ונעבר את נחל זרד ויאמר אלהם אלי לאמר קמו ועברו את נחל ארנן היום החלתי לתת לפנך את סיחן מלך חשבן האמרי ואת ארצו ·
ונצא לקראת סיחן יהצה ונכה עד לא השאר לו שרד ונלכד את כל ערו מערער אשר על שפת נחל ארנן עד הגלעד ועד נחל יבק הכל נתן אלהם אלהנו לפננו ·
ונפן ונעבר דרך נחל יבק ויאמר אלהם אלי לאמר אתם עברם היום את גבל ארץ בני עמן לא תצרם ולא תתגר בם מלחמה כי לבני לט נתתי ארץ בני עמן ירשה [רפ]אם מעלם ישבו בה והעמנם יקראו להם עזמזמם וישמ[ד]ם אלהם מפנהם וישבו תתחם ·
ויאמר אלהם אלי שלח אנשם לרגל את יעזר ונלכד את יעזר ונשב בערי האמרי ·
ויצא עג מלך הבשן לקראתנו למלחמה ונכהו עד לא השאר לו שרד ונלכד מאתם ששם ער כל גבל הארגב בצרת חמה דלתם ובריחם ·
לבד מערי הפרזם הרבה מאד וכל ערי המשר וכל הגלעד וכל הבשן עד סלכה ואדרעי ·
ארץ רפאם י֯ק֯ר֯א֯ גם הוא כי עג מלך הבשן מיתר הרפאם נשאר ·
ונפן ונסע נגבה ונשב מול בת פער ·
ויצאו בעת ההוא בנת מאב ונשי מדין לקראתכם ותקראן לכם לאכל מחגהן ותאלו מזבחהן ותשתו מנס֯ח֯הן ותשתחו לאלההן ותזנו את נשי המדינם ותצמדו לבעל פער ביום ההוא וחרה אף אלהם עלכם ויגף בכם בעת ההוא מגפה גדלה ·
ושלחתי מכם אנשם ללחם את המדינם והכתם אתם לפי חרב ושבתם מאתם שביה רבה למאד ותעצר המגפה ·
ואתי צוה אלהם בעת ההוא ללמד אתכם חקם ומשפטם לעשתם בארץ אשר עברם שמה לרשתה ·
השמרו לכם לא תספו אל מצותי֯ ולא תגרעו ממנו ·
השמרו לכם פן תשכחו ועשתם לכם פסל ותמנה תבנת כל סמל אשר בשמם ממעל ואשר בארץ מ[תח]ת ואשר במים מתחת לארץ ·
וחרה אפי֯ בכם וא֯שמ[ד את]כם מהרה מן הארץ הטבה ה֯זאת ·
וידעת היום ו[שמ]רת את חקתו ומצותו למען יטב לכם ולמען תארכו ימם על האדמה אשר אלהם אלהך נתן לכם ·
שמע ישראל אלהם אלהנו אלהם אחד ואהבת את אלהם אלהך בכל לבבך ובכל נפשך למאד מאד והיו הדברם האלה אשר אנך מצוך היום על לבבך ושננתם לכל בנך ודברת אתם בשבתך בבתך ובלכתך בדרך בשכבך ובקמך וקשרתם אתם לאות על ידך והיו לתת מ֯פ֯ת בין ענך וכתבת אתם על מזזת בתך ושערך כי אלהם כרת עמך ב֯ר֯ת֯ בחרב ביום הקהל ואנך עמדתי בין אלהם ובנכם בעת הזאת כי פחדת מפני האש ולא [עלתם] ההר֯ להגד לכם דבר אלהכם לאמר
אנך · אלהם · אלהך · אשר · החרתך · מארץ · מצרם · מבת · עבדם · לא יה[יה ·] לכם · אלהם · אחרם · לא תעש[ו] · לכם · פסל · וכל · תמנה · אשר · בשמם · ממעל · ואשר · בארץ · מתחת · ואשר · במים · מתחת · לארץ · לא תשתחו · להם · ולא תעבדם · אנך · אלהם · אלהך ·
קדש · [את יום · השבעי · ושבת · בו · כי · ש]שת · ימם · עשתי · את השמם · ואת הארץ · וכל · אשר · בם · ושבתי · ביום · השבעי · על · כן · תשבת · גם · אתה · ובהמתך · וכל · אשר · לך · אנך · אלהם · אלהך ·
כבד · את אבך · ואת אמך · אנך · אלהם · אלהך ·
לא תר[צח] · את נ֯פש · אחך · אנך · אלהם · אלהך ·
לא תנאף · את אשת · רעך · אנך · אלהם · אלהך ·
לא תגנב · את הן · אחך · אנך · אלהם · אלהך ·
לא תשבע · בשמי · לשקר · כי · אנך · אקנא · אתעון · אבת · על · בנם · על · שלשם · ועל · רבעם · לנ֯שאי · שמי · לשקר · אנך · אלהם · אלהך ·
לא תענו · באחך · עדת · שקר · אנך · אלהם · אלהך ·
לא תחמד · אשת [· רעך] · עבדו · ואמתו · וכל · אשר · לו · אנך · אלהם · אלהך ·
לא תשנא · את אחך · ב֯ל֯ב֯[ב]ך · אנך · אלהם · אלהך ·
את עשרת הדברם הא[ל]ה דבר [אלהם עמכם בהר מתך האש
…… …… …… …… …… …… …… ……… …… …… …… …… …… …… …… …… …… כשמעכם את הקל מתך האש ותאמרו אלי דבר א]תה עמנ[ו ונשמ]ע וא֯[ל] ידבר עמ[נו אלה]ם ולא נ֯מת ·
וישמע אלהם את ד֯בר[כם בדברכם אלי בעת ההוא ויא]מ[ר הטבו אשר דב]רו · מי י[תן והיה לבבם זה ליראה אתי ולשמר את כל מצותי כל ה]ימם [ל]מען ל[א…… …… …… …… …… …… …… …… …… …… …… מ]ם על ה֯א֯דמה אשר נשבעתי לתת להם ולבנהם אחרהם ·
שמע יש[ראל] אתם עברם היום את הירדן לבא לרשת גוים רבם ועצמם ערם גדלת֯ ובצרת חמה לא תא֯מרו בלבבכם ר֯בם המה הגוים האלה לא נכל להרשם לא תירא מהם זכר א֯ת֯ אשר ע֯ש֯ה אלהם לפרעה ולכל מצרם כן יעשה אלהם לכל איבך ·
כי א֯ל֯ה֯ם֯ הוא העבר לפ֯נך אש אכ֯ל֯ה הוא · הוא ישמדם ויכנעם מהרה לפ֯נך ·
גם את ה[צ]רעת ישלח [אל]הם בם עד אבד֯ יאבד הנ֯ס֯תרם הנשארם מלפ֯נך.
ר֯ק אם תשמרו את מצ[ותו] ומשפטו וחקתו אשר אנך מצוך היום וידעת היום כי לא בצדקת[ך] אלהם אלהך נתן לפנך את הארץ הזאת לרשתה כי עם קשה ערף הית מן היום אשר י֯צאת ממצרם עד היום ממרם הית[ם] את אלהם אלהך ·
ב֯חרב֯ ב֯יום עלתי ההר לקחת את שני לחת האבנם ועלה֯ם֯ כתבם [כל הדברם אשר דבר[ אלהם֯ עמכם בהר מתך האש ביום הקהל [ה]קצפתם [את אלהם ועשתם לכם עגל מ]סכה
[· ואתנפל לפני אלהם ב]הר הבער כאש ושני לחת בידי וארא חטאתכם ואשבר את שני הלחת לעינכם וא֯תפלל בעדכם בעת ההוא ארבעם יום וארבעם ללה ·
ובתבערה ובמסה ובקברת התאוה ממרם היתם את אלהכם ·
בעת ההוא אמר אלהם אלי [פסל ל]ך ש[נ]י לחת אבנם כ֯ר֯א֯שנם ועל֯ה אלי ההרה ואעל ההרה ושני הלחת ביד֯י ·
ויכתב אלהם על הלחת א[ת עשרת] הדברם אשר דבר אלכם ב֯ה֯ר֯ ביום הקהל ויתנ[ם] אלי והנם בארן אשר עשתי
ובקדש ברנע באמר אלי אלהם עלו ורשו את הארץ ממרם היתם את אלהכם ולא עלתם ולא שמעתם בקלו
ו֯י֯א֯מ֯ר֯ אלהם להשמד א[תכ]ם ואת[נ]פל בעדכם בעמד[י] בהר ארבעם י֯ו֯ם֯ [ואר]בע[ם ל]ל֯ה בעדכם וישמע אל[הם גם בפעם ההוא ולא השחת] את[כם כ]רגע ·
לא בצדקתך אלהך נתן לך כח לעשת חיל [………] רק [חשק אלהם] באבתכם לאהבה אתם ויבחר ב[זר]עם אחר[הם] מכל [העמ]ם ·
כ[י אלה]ם אלהכם הוא אל האלהם וא[ד]נ֯[י ה]אדנם [האל הגבר] והנרא הו[א ת]הלתך והוא אשר עשה אתך את הגדלת ואת הנראת ·
בשבעם נפש ירדו אבתך למצר[ם וע]תה היתם֯ לעם עצם ורב ·
כי א֯ם תשמ[ר]ן א[ת] כל ה[מ]צוה אשר אנך צותך היום לעשתה לאהבה את אלהכם ללכת בכל דרכו ובכל חקתו ·
והרש א[ל]הם את כ[ל אנשי] המקם כל אשר תדרך כ֯ף֯ רגלכם בו · [ל]א יתיצב איש בפ֯נכם כי [פחדכ]ם ומראכם יהיה על פני כל הארץ אשר תד֯רכו בו ·
ראה אנך נת[ן לפנ]כם היום ברכה וקללה את הברכה אם תשמעו אל מצות אלהם והקללה אם לא תשמעו וסרתם מהדרך אשר אנך מצוה אתכם היום
[· והיה כי יב]אך אלהם אל הארץ אשר אתה בא שמה לרשתה ונתת את הברכה על הר [גרזם] והקללה על הר עבל ·
הלא המה בעבר ה[ירד]ן דרך מבא השמש בארץ הכנעני בע[רבה נג[ד הגלגל אצל אלני מרא · ואלה י֯[עמדו על הר עבל] ראובן זבולן וגד אשר ד[ן] ונ[פתלי] ·
ואלה יעמדו על הר גרזם שמען ויהודה וישכר מנשה ואפרם ובנימן ·
ועמדו הלוים נגד הר גרזם ו[ענ]ו ואמרו בקל רם ברך האיש אשר יה[יה] אלהם אלהו ולו לבדו ישתחו ואתו לבדו יעבד וענו כל הע[ם] ואמרו אמן ·
ברך הא[יש אשר י[קדש את היום השבעי וישבת בו וענו כל העם ואמרו אמן ·
[ברך האיש אשר] מכבד אבו ואמו וענו כל העם ואמרו אמן ·
ברך [ה]איש אשר לא יקם ולא יטר את נפש אחו וענו אמן ·
ברך האיש אשר לא יטמא את אשת רעהו וענו כל העם ואמרו אמן ·
ברך האיש אשר לא י[נ]ה את רעהו וענו כל ה[עם ואמרו אמן ·]
ברך האיש אשר לא ישבע בשמי לשקר וענו כל העם ואמרו אמן ·
ברך האיש אשר לא יכחש ולא [י]ש֯קר ברעהו וענו כל העם ואמרו אמן ·
ברך אשר לא נשא עינו אל כ[ל נ]פש רעהו וענו כל העם ואמרו אמן ·
[ברך] האיש אשר יאהב את רעהו וענו כל העם ואמ[ר]ו אמן ·
ברך האיש אשר יקם את כל דברי התרה הזאת לעשת אתם וענו כל העם ואמרו אמן ·
ויספו הלוים ויענו ויאמרו בקל [רם] ראה א[ם] שמע תשמע בקל אלהך לשמר לעשת את כל מצותו ובאו עלך כל הברכת האלה ברך אתה בער ברך אתה בשדה ברך טנאך [ו]שארתך ·
ברך פרי בטנך ופרי אדמתך שג[ר א]לפך ועשתרת צאנך ברך אתה בבאך וברך אתה בצאתך · יתן אלה[ם] את איבך נגפם לפנך · יצו אלה[ם] את הברכה בכל מעשה י[ד]ך ·
יקמך אלהם לו לעם קדש וראו כל עמי הארץ [ו]יראו ממך ·
יפתח אלה[ם] לך את השמם [ל]תת מטר ארצך בעת֯ו֯ ו֯הלות גוים רבם ואתה לא תלוה והית רק למעלה [ולא] תהיה למטה ויתרך אלהם רק לטבה על האדמה [הטבה אשר אלהם אלהי א]בתכם נתן לכם ·
ויסבו הלוים את פנהם נגד הר עב[ל] ויענו ויאמרו בקל רם ארר האיש אשר יעשה [מלאכה ביום השבעי וענו כל העם ואמרו אמן ·]
פסל ומסכה מעשה ידי חרש וענו כל העם ואמרו אמן ·
ארר האיש אשר יעשה מלאכה ביום השבעי וענו כל העם ואמרו אמן ·
ארר מקל[ה] אבו ואמו וענו כל העם ואמרו אמן ·
ארר מכה רעהו בסתר וענו כל העם ואמרו אמן ·
ארר האיש אשר יקרב אל כל שאר בשרו ואשר ינאף֯ [את אש]ת רעהו ואשר יבעל עם כל בהמה וענו העם ואמרו אמן ·
ארר מסג גבל רעהו וענו כל העם ואמרו אמן ·
ארר האיש אשר ישבע בשמי לשקר וענו כל ה[עם] ו[אמר]ו אמן ·
ארר לקח ש[חד] לה֯[עד] ע֯ד֯ת שקר בעמת[ו וענו כל הע]ם ואמ[רו] אמן ·
ארר האיש אשר יחמד וישא֯ ע֯נ֯ו֯ אל אשת רעהו אל בתו ואמת[ו] ולכל אשר לו [וענו כל העם] ואמרו אמן ·
ארר האיש אשר ישנא [א]ת אחו ב֯ל֯ב֯ו֯ וענו כל [הע]ם ואמרו אמן ·
ארר האיש אשר לא יקם את כל דברי התרה ה[ז]את לעשת אתם וענו כל העם ואמרו אמן ·
ויספו הלוים לקרא בקל רם ויאמרו ו[הי]ה אם לא תשמע בקל אלהם לשמר לעשת את כל מצותו [ו]חקתו ו֯באו עלך כל הקללת האלה
ארר אתה בער וא[רר] אתה בש[דה ארר טנאך] ושארתך ארר פרי בטנך ופרי אדמתך שגר אלפך ו[עשתרת צאנ]ך · ארר אתה בב[א]ך וארר אתה בצאתך ·
יתנך אלהם נ[גף לפני] איבך ישל[ח] אלהם את המארה בכל מעשה י[ד]ך יתנך אלהם לשמה [ל]מ֯ש֯ל֯ ולשננה בכל עמי הארץ יעצר אלהם את הש֯מ֯ם֯ הגר אש֯ר֯ יש֯ב֯ בקרבך יעלה מעלה מעלה ואתה תר֯ד֯ מטה מטה הוא ילוך ואתה [לא תלו]נו יאבד וישמד אלהם אתכם מן [ה]אד֯מה אשר אתה באשמ֯ה֯ לרשתה ·
[ואמר] בן מא֯ה ועשרם שנה [א]נך היום לא אכל ע[וד] לצאת ולבא לפנכם ואלהם אמר אלי לא תעבר את הירדן יהשע העמד לפנך [הוא] יעבר את הירדן והוא יבא אתכם אל הארץ הטבה אשר [אתם באם] שמה לרשתה ·
חזקו ואמצו אל תראו ואל תח֯פ[ז]ו כי אלהם אלהכם הוא ההלך עמכ[ם לא ירפכם ולא יעזבכם ·
ועתה כתבו לכם את התרה הזאת למען תהיה התרה] הזאת [לעד] לפנכם [כי לא תשכח מפי זרעכם] כי [ידעתי את יצרכם אשר אתם עשם ·]
אלה הדברם אשר צוה משה את כל בני ישראל על פי יהוה בערבת מאב לפני מתו·
